കെ പി ഷൗക്കത്ത് അനുസ്മരണം.

കാഞ്ഞിരപ്പള്ളി. നാടിന്റെ വികസനത്തിനു വേണ്ടി വിശ്രമമില്ലാതെ കഠിനാധ്വാനം ചെയ്ത നേതാവായിരുന്നു കെ പി ഷൗക്കത്തെന്ന് കെ പി സി സി വൈസ് പ്രസിഡന്റും മുൻ എം എൽ എയുമായ വി റ്റി ബൽറാം പറഞ്ഞു. ജാതി മത ഭേദമന്യേ ആളുകളെ ചേർത്തുനിറുത്തിയ കെ പി ഷൗക്കത്തിന്റെ കരുതലിന്റെ രാഷ്ട്രീയം വർത്തമാന കാലഘട്ടത്തിൽ ഏറെ പ്രസക്തമാണെന്നും അദ്ദേഹം കൂട്ടിച്ചേർത്തു. മുൻ ബ്ലോക്ക് പഞ്ചായത്ത് പ്രസിഡന്റും കോൺഗ്രസ് ബ്ലോക്ക് പ്രസിഡന്റുമായിരുന്ന കെ പി ഷൗക്കത്തിന്റെ പതിമൂന്നാം അനുസ്മരണ ദിനം ഉദ്ഘാടനം ചെയ്യുകയായിരുന്നു വി റ്റി ബൽറാം.

കോൺഗ്രസ് മണ്ഡലം പ്രസിഡന്റ് ബിജു പത്യാല അധ്യക്ഷത വഹിച്ചു. ഡി സി സി ജനറൽ സെക്രട്ടറിമാരായ പി എ ഷെമീർ, റോണി കെ ബേബി ഗ്രാമ പഞ്ചായത്ത് അംഗം സുനിൽ തേനമ്മാക്കൽ യൂത്ത് കോൺഗ്രസ് ജില്ലാ ഭാരവാഹികളായ നിബു ഷൗക്കത്ത്, നയിഫ് ഫൈസി, എം കെ ഷെമീർ കെ എസ് യു ജില്ലാ പ്രസിഡന്റ് കെ എൻ നൈസാം ഡി സി സി അംഗം രഞ്ജു തോമസ് കോൺഗ്രസ് ബ്ലോക്ക് ഭാരവാഹികളായ ഒ എം ഷാജി, ജി സുനിൽ കുമാർ, അബ്ദുൽ ഫത്താ ക്ക്, റസിലി തേനംമ്മാക്കൽ, ബിനു കുന്നുംപുറം, മാത്യു കുളങ്ങര, പി എ താജു, ഫസിലി പച്ചവെട്ടി, ദിലിപ് ചന്ദ്രൻ, നെസീമ ഹാരിസ്, മണി രാജു യൂത്ത് കോൺഗ്രസ് ഭാരവാഹികളായ അൽഫാസ് റഷീദ്, അസീബ് ഈട്ടിക്കൽ, ഷിനാസ് കിഴക്കയിൽ, ലിന്റു ഈഴക്കുന്നേൽ നേതാക്കളായ സജി ഇല്ലത്തുപറമ്പിൽ, അൻവർ പുളിമൂട്ടിൽ, ഉണ്ണി ചെറിയാൻ, ഫസിലി കോട്ടവാതിൽക്കൽ, ഫൈസൽ മഠത്തിൽ, സഫറുള്ളാ ഖാൻ, അഷറഫ് നെല്ലിമല പുതുപ്പറമ്പിൽ, റസിലി ആനിത്തോട്ടം എന്നിവർ പ്രസംഗിച്ചു.

*സ്വാതന്ത്ര്യദിനാഘോഷം പ്രൗഢഗംഭീരമാക്കി കാർത്തികപ്പള്ളി ഗവ.യു.പി സ്കൂൾ*

കാർത്തികപ്പള്ളി:ഇത്തവണത്തെ സ്വാതന്ത്ര്യദിനം കാർത്തികപ്പള്ളി ഗവ.യു.പി സ്കൂളിൽ പ്രൗഢഗംഭീരമായി ആഘോഷിച്ചു.പ്രഥമാദ്ധ്യാപകൻ ശ്രീ.ബിജു എസ്.വി ദേശീയപതാക ഉയർത്തി ഇത്തവണത്തെ ആഘോഷത്തിന് തുടക്കം കുറിച്ചു.തുടർന്ന് എസ്.എം.സി ചെയർമാൻ ശ്രീ.കെ സിനുനാഥ് വിദ്യാലയത്തിലെ ഗാന്ധിപ്രതിമയിൽ ഹാരാർപ്പണം നടത്തി.ഭാരതാംബ,വിവിധ ദേശീയ നേതാക്കൾ,സ്വാതന്ത്ര്യ സമര സേനാനികൾ,ധീര സൈനികർ എന്നിവരുടെ വേഷമണിഞ്ഞ കുട്ടികളും ത്രിവർണ്ണ പതാകയുടെ നിറത്തിലുള്ള വിവിധ വസ്ത്രങ്ങൾ ധരിച്ച കുട്ടികളും ദേശീയ പതാകയും പോസ്റ്ററും പ്ലക്കാർഡും ഏന്തിയ കുട്ടികളും ഭാരതത്തിൻ്റെ ശാസ്ത്ര-സാങ്കേതിക രംഗത്തെ വളർച്ച വിളിച്ചോതുന്ന റോക്കറ്റ് മാതൃകകളുമായെത്തിയ കുട്ടികളും,അവരെയെല്ലാവരെയും അനുഗമിച്ച അദ്ധ്യാപക-അനദ്ധ്യാപകരും എസ്.എം.സി പ്രതിനിധികൾ ഉൾപ്പെടെയുള്ള രക്ഷിതാക്കളും അണിനിരന്ന പ്രൗഢഗംഭീരവും വർണ്ണശബളവുമായ സ്വാതന്ത്ര്യദിന റാലിയും നടത്തി.തുടർന്ന് കുട്ടികൾക്കായി ദേശഭക്തിഗാനം,പ്രസംഗം [മലയാളം,ഇംഗ്ലീഷ്&സംസ്കൃതം],പ്രച്ഛന്ന വേഷം എന്നീ മത്സരങ്ങൾ നടത്തി. സ്വാതന്ത്ര്യദിന ദൃശ്യാവിഷ്കാരവും ഉണ്ടായിരുന്നു.ചിങ്ങോലി ഗ്രാമ പഞ്ചായത്ത് പ്രസിഡൻ്റ് ശ്രീമതി.അശ്വതി തുളസി സ്വാതന്ത്ര്യദിന സന്ദേശം നൽകി.വൈസ് പ്രസിഡൻ്റ് ശ്രീമതി.അൻസിയ,ക്ഷേമകാര്യ സ്റ്റാൻ്റിംഗ് കമ്മിറ്റി ചെയർമാൻ ശ്രീ.അനീഷ് എസ്,വാർഡ് മെമ്പർ ശ്രീ.നിയാസ് കെ[നിബു],അഞ്ചാം വാർഡ് മെമ്പർ ശ്രീമതി.സരിത ജയപ്രകാശ്,എസ്.എം.സി വൈസ് ചെയർപേഴ്സൺ ശ്രീമതി. ആമിന,എം.പി.റ്റി.എ പ്രസിഡൻ്റ് ശ്രീമതി.ശോഭന,സീനിയർ അസിസ്റ്റൻറ് ശ്രീ.ആർ രമേശ്,എസ്.ആർ.ജി കൺവീനർ ശ്രീമതി.ജയശ്രീ,സ്കൂൾ സോഷ്യൽ സർവ്വീസ് സ്കീം കൺവീനർ ശ്രീമതി.ഒ ഷീബ,സാമൂഹ്യ ശാസ്ത്ര ക്ലബ് കൺവീനർ ശ്രീമതി.ശ്രീദേവി എന്നിവർ സ്വാതന്ത്ര്യദിനാശംസകൾ നേർന്നു.ഒന്നാം ടേമിൽ സ്കൂളിൽ നടത്തിയ വിവിധ മത്സരങ്ങളിലും,സ്വാതന്ത്ര്യ ദിനാഘോഷത്തിൻ്റെ ഭാഗമായി നടത്തിയ ദേശഭക്തിഗാനം,പ്രസംഗം, പ്രച്ഛന്നവേഷം എന്നീ മത്സരങ്ങളിലും ഒന്ന്,രണ്ട് സ്ഥാനങ്ങൾ നേടിയ കുട്ടികൾക്ക് സമ്മാനങ്ങൾ വിതരണം ചെയ്തു.77-ാംസ്വാതന്ത്ര്യ ദിനാഘോഷത്തിൻ്റെ സന്തോഷം പങ്കിടുവാൻ പായസവിതരണവും ഉണ്ടായിരുന്നു.

ധീര ദേശാഭിമാനികളെ ആദരിച്ചു.
കാഞ്ഞിരപ്പള്ളി : കാഞ്ഞിരപ്പള്ളി ഗ്രാമ പഞ്ചായത്തിന്റെ നേതൃത്വത്തിൽ സ്വാതന്ത്ര്യ ദിനത്തോടനുബന്ധിച്ച് വിവിധ പരിപാടികൾ സംഘടിപ്പിച്ചു.ആസാദി കാ അമൃത് മഹോത്സവത്തിന്റെ ഭാഗമായി മഹാത്മാ ഗാന്ധി ദേശീയ ഗ്രാമീണ തൊഴിലുറപ്പ് പദ്ധതിയുടെ ആഭിമുഖ്യത്തിലാണ് പരിപാടികൾ സംഘടിപ്പിച്ചത്. കാഞ്ഞിരപ്പള്ളി ടൗൺ ഹാളിൽ വെച്ച് നടന്ന ചടങ്ങിൽ
രാജ്യത്തിന്റെ സ്വാതന്ത്ര്യത്തിന് വേണ്ടി പോരാടിയ ധീര വനിത അക്കാമ്മ ചെറിയാനുൾപ്പെടെയുള്ള സ്വാതന്ത്ര്യ സമരസേനാനികളുടെ കുടുംബാംഗങ്ങളെയും കർഗിൽ ഉൾപ്പെടെയുള്ള യുദ്ധങ്ങളിൽ രാജ്യത്തിന് വേണ്ടി പോരാടിയ ധീര ജവാന്മാരെയും ആദരിച്ചു

ഗ്രാമ പഞ്ചായത്ത് പ്രസിഡന്റ്‌ കെ ആർ തങ്കപ്പന്റെ അദ്ധ്യക്ഷതയിൽ കൂടിയ യോഗം ജില്ലാ പഞ്ചായത്ത് സ്റ്റാൻഡിങ് കമ്മിറ്റി ചെയർപേഴ്സൺ ജെസ്സി ഷാജൻ ഉൽഘാടനം ചെയ്തു. ബ്ലോക്ക് പഞ്ചായത്ത് പ്രസിഡന്റ്‌ അജിത രതീഷ് വീരരെ ആദരിച്ചു. ജോയിന്റ് ബി ഡി ഒ ടി ഇ സിയാദ് പാഞ്ച് പ്രൺ പ്രതിജ്ഞയും സ്വാതന്ത്ര്യ ദിന സന്ദേശവും നൽകി.ബ്ലോക്ക് പഞ്ചായത്തംഗങ്ങളായ ജോളി മടുക്കക്കുഴി ഷക്കീല നസീർ ഗ്രാമ പഞ്ചായത്തംഗങ്ങളായ ശ്യാമള ഗംഗാദരൻ ബിജു പത്യാല, പി എ ഷെമീർ,റിജോ വാളാന്തറ നിസ സലിം,മഞ്ജു മാത്യൂ,വി പി രാജൻ സിന്ധു സോമൻ വി ഇ ഒ ജയസൂര്യൻ സി ഡി എസ് ചെയർ പേഴ്സൺ ദീപ്തി ഷാജി തുടങ്ങിയവർ ആശംസകൾ അർപ്പിച്ചു സംസാരിച്ചു തൊഴിലുറപ്പ് വിഭാഗം ജീവനക്കാർ തൊഴിലാളികൾ കുടുംബശ്രീ ഭാരവാഹികൾ തുടങ്ങിയവർ ചടങ്ങിൽ പങ്കെടുത്തു.