ആലപ്പുഴ: അതിഥി തൊഴിലാളികളിൽ നിന്ന് 2000ത്തിലധികം കഞ്ചാവ് മിഠായികൾ പിടികൂടിയെന്ന് എക്സൈസ്. അരൂരിൽ നിന്നാണ് എക്സൈസ് സംഘം ഇവരെ പിടികൂടിയത്. ഉത്തർപ്രദേശ് സ്വദേശികളായ രാഹുൽ സരോജ്, സന്തോഷ് കുമാർ എന്നിവരാണ് പിടിയിലായത്.
സ്കൂൾ വിദ്യാർഥികളെയാണ് സംഘം ലക്ഷ്യമിട്ടിരുന്നതെന്ന് എക്സൈസ് പറഞ്ഞു. കഞ്ചാവും, പത്ത് കിലോയോളം നിരോധിത പുകയില ഉൽപ്പന്നങ്ങളും ഇവരിൽ നിന്ന് കസ്റ്റഡിയിലെടുത്തതായും എക്സൈസ് അറിയിച്ചു.