കാസര്കോഡ്: സിനിമ ടെലിവിഷന് താരം ഷിയാസ് കരീമിനെതിരെ പീഡന പരാതിയില് കേസ്. വിവാഹ വാഗ്ദാനം നല്കി പീഡിപ്പിച്ചുവെന്ന യുവതിയുടെ പരാതിയിലാണ് കാസര്ഗോഡ് ചന്തേര പോലീസ് കേസെടുത്തത്. പോലീസ് യുവതിയുടെ മൊഴി രേഖപ്പെടുത്തി. കാസര്ഗോഡ് ഹൊസ്ദുര്ഗ് താലൂക്കിലെ തീരദേശ സ്വദേശിനിയായ യുവതിയാണ് പരാതിക്കാരി.
വര്ഷങ്ങളായി എറണാകുളത്തെ ജിമ്മില് ട്രെയിനറായ യുവതി ഇതിനിടയിലാണ് നടനുമായി പരിചയപ്പെട്ടതെന്നും പിന്നീട് വിവാഹ വാഗ്ദാനം നടത്തി തൃക്കരിപ്പൂരിനടുത്ത് ചെറുവത്തൂര് ദേശീയപാതയോരത്തെ ഹോട്ടലില് വച്ച് പീഡിപ്പിച്ചതായും 11 ലക്ഷത്തില്പ്പരം രൂപ തട്ടിയെടുത്തതായും പരാതിയില് പറയുന്നു
കേസില് എറണാകുളത്തേക്കു കൂടി അന്വേഷണം വ്യാപിപ്പിക്കാനുള്ള നീക്കത്തിലാണ് പോലീസ്. ഇന്സ്പെപെക്ടര് ജിപി മനുരാജിന്റെ നേതൃത്വത്തിലുള്ള സംഘമാണ് കേസ് അന്വേഷിക്കുന്നത്.
കേരളത്തിലെ അറിയപ്പെടുന്ന മോഡലും സോഷ്യല് മീഡിയ താരവുമായ ഷിയാസ് കരീം സ്റ്റാര് മാജിക്, ബിഗ് ബോസ് തുടങ്ങിയ ടെലിവിഷന് പരിപാടികളിലൂടെയാണ് ശ്രദ്ധേയനായത്.
