, കട്ടപ്പന /,കട്ടപ്പനയിലെ ഇരട്ടകൊലപാതക കേസിലെ രണ്ടാം പ്രതി വിഷ്ണുവിനെ ഇന്ന് കട്ടപ്പന കോടതിയിൽ ഹാജരാക്കും.
മോഷണ കേസിൽ പിടിയിലായ വിഷ്ണു കാല് ഒടിഞ്ഞ് ചികിത്സയിലായിരുന്നു.
ഒന്നാം പ്രതി നിധീഷിനെ കോടതി 16 വരെ പോലീസ് കസ്റ്റഡിയിൽ വിട്ടിരുന്നു.
രണ്ടാം പ്രതിയായ വിഷ്ണുവിനെ കസ്റ്റഡിയിൽ വാങ്ങി ചോദ്യം ചെയ്യുന്നതോടെ കൂടുതൽ കുറ്റകൃത്യങ്ങൾ ഉൾപ്പെട്ടെയുള്ള തെളിവുകൾ ലഭിക്കുമെന്ന പ്രതിക്ഷയിലാണ് പോലീസ്.
എറണാകുളം റേഞ്ച് ഡി.ഐ.ജി പുട്ട വിമലാദിത്യ കഴിഞ്ഞ ദിവസം കൊലപാതകം നടന്ന കക്കാട്ടുകടയിലെ വീട് സന്ദർശിച്ചിരുന്നു.
തുടർന്ന് നിധീഷിനെ ചോദ്യം ചെയ്യുകയും ചെയ്തിരുന്നു.
കേസ് അന്വേഷണത്തിന് SP യുടെ നേതൃത്വത്തിൽ വിവിധ വകുപ്പുകളിലെ 10 ഉദ്യോഗസ്ഥരുടെ പ്രത്യേക സംഘത്തെയും നിയോഗിച്ചിരുന്നു.
ന്യൂസ് ബ്യൂറോ കട്ടപ്പന.
