ചിൻ സ്ട്രാപ് കൊണ്ട് ഊഞ്ഞാലടല്ലേ…
അപകട മുന്നറിയിപ്പുമായി മോട്ടോർ വാഹന വകുപ്പ്.
തിരുവനന്തപുരം: ഹെല്‍മറ്റ് ധരിച്ചത് കൊണ്ട് മാത്രം സുരക്ഷിതമായി എന്ന് കരുതാന്‍ പറ്റില്ല. ഹെല്‍മറ്റ് ധരിച്ചിട്ടും അപകടസമയത്ത് അത് തലയില്‍ നിന്ന് ഊരി പോയ നിരവധി സംഭവങ്ങള്‍ റിപ്പോര്‍ട്ട് ചെയ്തിട്ടുണ്ട്. ഹെല്‍മറ്റ് ധരിച്ചതിന് ശേഷം ചിന്‍ സ്ട്രാപ്പ് ഉപയോഗിച്ച് തലയുമായി ബന്ധിപ്പിച്ചിട്ടുണ്ടെന്ന് ഉറപ്പുവരുത്തേണ്ടതും അനിവാര്യമാണ്.
ഊഞ്ഞാലുപോലെ തൂങ്ങുന്ന ചിന്‍ സ്ട്രാപ്പ് സുരക്ഷിത ബോധമില്ലായ്മ ആണ് കാണിക്കുന്നതെന്ന് മോട്ടോര്‍ വാഹന വകുപ്പ് ഫെയ്‌സ്ബുക്കില്‍ കുറിച്ചു. ‘ഇടയ്ക്കിടെ വാഹനം നിര്‍ത്തേണ്ടി വരുമ്പോള്‍ ഹെല്‍മറ്റ് അഴിക്കാനുള്ള സൗകര്യത്തിന് വേണ്ടിയാണ് ഇങ്ങിനെ ചെയ്യുന്നത്.അപകട സമയത്ത് ഹെല്‍മറ്റ് ആദ്യം തെറിച്ച് പോകും. ചിന്‍ സ്ട്രാപ്പ് ശരിയായി ധരിക്കുക. സുരക്ഷിതരായിരിക്കുക.’- മോട്ടോര്‍ വാഹന വകുപ്പ് മുന്നറിയിപ്പ് നല്‍കി.
ചിൻ സ്ട്രാപ് കൊണ്ട് ഊഞ്ഞാലടല്ലേ…
അപകട മുന്നറിയിപ്പുമായി മോട്ടോർ വാഹന വകുപ്പ്.
- Advertisement -
