കട്ടപ്പന, 20 ഏക്കറിന്, സമീപം ഓട്ടോറിക്ഷ ഇടിച്ച് കാൽനടയാത്രികൻ മരിച്ച സംഭവം: ഡ്രൈവർക്കെതിരെ മനപ്പൂർവ്വ മല്ലാത്ത നരഹത്യയ്ക്ക് കേസ് എടുത്തു,

കട്ടപ്പന:ഇരുപത്തേക്കറിന് സമീപം ഓട്ടോറിക്ഷ ഇടിച്ച് കാൽനടയാത്രികാൻ മരിച്ച സംഭവത്തിൽ ഡ്രൈവർക്കെതിരെ പോലീസ് കേസെടുത്തു മേപ്പാറ സ്വദേശി ജിജോമോൻ ചാക്കോക്ക് എതിരെയാണ് പോലീസ് കേസെടുത്തത്. മനപൂർവ്വമല്ലാത്ത നരഹത്യക്കാണ് കേസ്. ക്രിസ്മസ് തലേന്നാണ് വീട്ടിലേക്ക് നടന്നു പോവുകയായിരുന്ന കട്ടപ്പന മുട്ടത്ത്കുന്നേൽ സജിയെ വാഹനംഇടിച്ചത്. അമിത വേഗത്തിൽ വന്ന ഓട്ടോറിക്ഷ, അപകടം സൃഷ്ടിച്ചശേഷം നിർത്താതെ കടന്നു പോയെങ്കിലും പോലീസ് പിന്നീട് ഓട്ടോറിക്ഷയും ഡ്രൈവറെയും കണ്ടെത്തുകയായിരുന്നു,.സജിയെ സമീപത്ത് ഉണ്ടായിരുന്ന തൊഴിലാളികൾ ഉൾപ്പെടെ ചേർന്ന് കട്ടപ്പനയിലെ സ്വകാര്യ ആശുപത്രിയിലും പിന്നീട് കോട്ടയം മെഡിക്കൽ കോളേജിലും എത്തിച്ചെങ്കിലും 25ന് പുലർച്ചെ മരണം സംഭവിക്കുകയായിരുന്നു.