വണ്ടൻമേട് സി എച്ച് സി യുടെ, ശോച്യാവസ്ഥ, പരിഹരിക്കണം.

കട്ടപ്പന: വണ്ടൻമേട് സി എച്ച് സി യുടെ ശോച്യാവസ്ഥ പരിഹരിക്കണമെന്ന് ആവശ്യപ്പെട്ട് സമരസമിതി 24 മണിക്കൂർ രാപകൽ സമരം നടത്തി. സമാപന സമ്മേളനം പുറ്റടി വേളാങ്കണ്ണി മാതാ പള്ളി വികാരി ഫാദർ ദേവസ്യ തുമ്പുങ്കൽഉദ്ഘാടനം ചെയ്തു. ആശുപത്രി സംരക്ഷണ സമിതിയുടെ നേതൃത്വത്തിലാണ് സമരം. കൂടുതൽ ഡോക്ടർമാരെ നിയമിച്ചതായി പ്രഖ്യാപനം ഉണ്ടായെങ്കിലും മുൻ ആവശ്യങ്ങളും നടപ്പാക്കണം എന്ന് സമരസമിതി ആവശ്യപ്പെട്ടു. 24 മണിക്കൂർ അത്യാഹിതവിഭാഗം ആരംഭിക്കുക എക്സ്-റേ ഇസിജി.ദന്ത വിഭാഗം ലാബ് എന്നിവയുടെ പ്രവർത്തനം കാര്യക്ഷമമാക്കുക പുതിയ ബ്ലോക്കിൽ ലാബ്മാറ്റി പ്രവർത്തിപ്പിക്കുക ഫിസിഷ്യൻ പീഡിയാട്രിക് വിഭാഗങ്ങളിൽ ഡോക്ടർമാരെ നിയമിക്കുക അകാരണമായി സ്ഥലം മാറ്റുന്നത് അവസാനിപ്പിക്കുക, മോർച്ചറി പുനരാരംഭിക്കുക തുടങ്ങിയ ആവശ്യങ്ങൾ ഉന്നയിച്ചാണ് സമരം, വണ്ടൻമേട് പഞ്ചായത്ത് പ്രസിഡന്റ് സുരേഷ് മാങ്കേരിൽ മുഖ്യപ്രഭാഷണം നടത്തി, സജി കുന്നേൽ അധ്യക്ഷനായി കെ ടി ജേക്കബ് കോർ എപ്പിസ്കോപ്പ, ബിജു ആക്കാട്ടുമുണ്ട. എം സി രാജു ജോബിൻ എന്നിവർ സംസാരിച്ചു.