നിക്ഷേപിക്കാൻ വലിയ തുക കയ്യിലില്ലാത്തൊരാളാണെങ്കില്, ചെറിയ തുകകളായി നിക്ഷേപിക്കാൻ സിസ്റ്റമാറ്റിക്ക് ഇൻവെസ്റ്റ്മെന്റ് പ്ലാനാണ് അനുയോജ്യം.
ദീര്ഘകാലത്തേക്ക് എസ്ഐപി വഴി നിക്ഷേപിക്കുമ്ബോള് സ്മോള് കാപ് മ്യൂച്വല് ഫണ്ടുകള് തിരഞ്ഞെടുക്കുന്നത് കണ്ണഞ്ചിമിപ്പിക്കുന്ന റിട്ടേണുകള് നേടാന് സഹായകമാകും. സ്മോള് കാപ് കമ്ബനികളില് നിക്ഷേപിക്കുന്ന ഫണ്ടുകളായതിനാല് ഉയര്ന്ന റിസ്കും സ്മോള് കാപ് ഫണ്ടുകള്ക്കുണ്ട്. റിസ്കെടുത്തവര്ക്ക് മികച്ച നേട്ടം നല്കിയൊരു സ്മോള് കാപ് ഫണ്ടാണ് നിപ്പോണ് ഇന്ത്യ സ്മോള് കാപ് ഫണ്ട്- റെഗുലര് പ്ലാന്.
നിപ്പോണ് ഇന്ത്യ സ്മോള് കാപ് ഫണ്ട്
നിപ്പോണ് ഇന്ത്യ മ്യൂച്വല് ഫണ്ടിന് കീഴിലുള്ള സ്മോള് കാപ് ഫണ്ട് സ്കീമാണ് നിപ്പോണ് ഇന്ത്യ സ്മോള് കാപ് ഫണ്ട്. 2010 സെപ്റ്റംബര് 16 നാണ് ഫണ്ട് ആരംഭിച്ചത്. ഫണ്ടിന്റെ റെഗുലര് പ്ലാന് കഴിഞ്ഞ 3 മാസത്തിനിടെ മാത്രം 19.05 ശതമാനം റിട്ടേണ് നല്കി.
1 വര്ഷത്തിനിടെ 33.93 ശതമാനം റിട്ടേണും മൂന്ന് വര്ഷത്തിനിടെ 44.84 ശതമാനം റിട്ടേണും ഫണ്ട് നല്കി. 5 വര്ഷത്തിനിടെ 44.84 ശതമാനവം 10 വര്ഷത്തിനിടെ 29.62 ശതമാനവുമാണ് ഫണ്ടിന്റെ റിട്ടേണ്. ഫണ്ട് ആരംഭിച്ചത് മുതല് 20.89 ശതമാനം റിട്ടേണ് നല്കി.
എസ്ഐപി കാല്ക്കുലേറ്റര്
നിപ്പോണ് സ്മോള് കാപ് ഫണ്ടിന്റെ റെഗുലര് പ്ലാനില് പ്രതിമാസം 10,000 രൂപ വീതം 10 വര്ഷത്തേക്ക് എസ്ഐപി വഴി നിക്ഷേപം നടത്തിയൊരാള്ക്ക് ലക്ഷാധിപതിയാകാന് സാധിച്ചു എന്ന് കാണാം. 10 വര്ഷത്തേക്ക് 25.96 ശതമാനം റിട്ടേണ് നല്കിയ ഫണ്ടില് 10,000 രൂപയുടെ പ്രതിമാസം എസ്ഐപി വഴി നടത്തിയ നിക്ഷേപം 43.94 ലക്ഷം രൂപയായി വളര്ന്നു.
1 ലക്ഷം രൂപ അപ്പ്ഫ്രന്ഡ് നിക്ഷേപവും പ്രതിമാസം 10,000 രൂപ എസ്ഐപി ചെയ്തവര്ക്ക് 57.53 ലക്ഷം രൂപ നേടാനായി. ഒറ്റത്തവണയായി നിക്ഷേപിച്ച 1 ലക്ഷം രൂപ 10 വര്ഷം കൊണ്ട് 13.40 ലക്ഷം രൂപയായി വളര്ന്നു.
ആശ്വാസ വിലയില് സ്വര്ണം; തുടരെ നാലാം ദിവസവും സ്വര്ണ വില കുറഞ്ഞു; ഇന്നത്തെ വില നിലവാരം ഇങ്ങനെ
ഫണ്ട് വിശദാംശം
31,945 കോടി രൂപയാണ് നിപ്പോണ് ഇന്ത്യ സ്മോള് കാപ് ഫണ്ടിന്റെ ആകെ ആസ്തി. റെഗുലര് പ്ലാനിന് 1.58 ശതമാനമാണ് ചെലവ് അനുപാതം. ഓഗസ്റ്റ് 10 നുള്ള നെറ്റ് അസറ്റ് വാല്യു 116.73 രൂപയാണ്. ക്രിസില് 5 സ്റ്റാര് റേറ്റിംഗ് നല്കിയ ഓഹരിയില് ഒറ്റത്തവണ നിക്ഷേപത്തിന് 5,000 രൂപ വേണം. 100 രൂപ മുതല് അധിക നിക്ഷേപം നടത്താം.
1,000 രൂപ മുതല് പ്രതിമാസ എസ്ഐപി ആരംഭിക്കാം. 30 ദിവസത്തിനുള്ളില് നിക്ഷേപം പിന്വലിച്ചാല് 1 ശതമാനം എക്സിറ്റ് ലോഡുണ്ട്.
നല്ലൊരു തുക ലാഭവിഹിതമായി നേടാം; ഓഗസ്റ്റില് റെക്കോര്ഡ് തീയതി നിശ്ചയിച്ച 10 ഓഹരികള്; കയ്യിലുണ്ടോ?
ഫണ്ട് പോര്ട്ട്ഫോളിയോ
നിപ്പോണ് ഇന്ത്യ സ്മോള് കാപ് ഫണ്ടിന് ആഭ്യന്തര ഇക്വിറ്റികളില് 96.8 ശതമാനം നിക്ഷേപമുണ്ട്. ഇതില് 7.58 ശതമാനം നിക്ഷേപവും ലാര്ജ് കാപ് ഓഹരികളിലും 7.72 ശതമാനം മിഡ്കാപ് ഓഹരികളിലും 58.44 ശതമാനം സ്മോള് കാപ് ഓഹരികളിലുമാണ്. ആകെ 180 ഓഹരികളാണ് ഫണ്ടിന്റെ പോര്ട്ട്ഫോളിയോയിലുള്ളത്.
ട്യൂബ് ഇന്വെസ്റ്റ്മെന്റസ് ഓഫ് ഇന്ത്യ, എച്ച്ഡിഎഫ്സി ബാങ്ക്, കെപിഐടി ടെക്നോളജീസ് ലിമിറ്റഡ്, ക്രെഡിറ്റ് ആക്സസ് ഗ്രാമീണ്, അപര് ഇന്ഡസ്ട്രീസ്, സൈഡസ് വെല്നസ്, തേജസ് നെറ്റ് വര്ക്ക്സ് എന്നിവയാണ് പ്രധാന നിക്ഷേപങ്ങള്.
മാസത്തില് നിക്ഷേപിക്കാം; സേവിംഗ്സ് അക്കൗണ്ടില് വെറുതെ കിടക്കുന്ന പണത്തിന് നേടാം 7.75% പലിശ; തീരെ റിസ്കില്ല
അറിയിപ്പ്
മുകളില് കൊടുത്തിരിക്കുന്ന ലേഖനം പഠനാവശ്യത്തിന് മാത്രമായി നല്കുന്നതാണ്. ഇതുമായി ബന്ധപ്പെട്ട് നിക്ഷേപ തീരുമാനങ്ങള് എടുക്കും മുൻപ് സാമ്ബത്തിക വിദഗ്ധന്റെ നിര്ദേശം തേടാം. മ്യൂച്വല് ഫണ്ട് നിക്ഷേപം നഷ്ട സാധ്യതകള്ക്ക് വിധേയമാണ്. സ്വന്തം റിസ്കില് മാത്രം നിക്ഷേപ തീരുമാനം കൈക്കൊള്ളുക. ലേഖനം വായിച്ചിട്ട് എടുക്കുന്ന തീരുമാനത്തിന്റെ അടിസ്ഥാനത്തില് സംഭവിക്കുന്ന ലാഭനഷ്ടങ്ങള്ക്ക് ഗ്രേനിയം ഇൻഫര്മേഷൻ ടെക്നോളജീസും ലേഖകനും ഉത്തരവാദികളല്ല.
