തിരുവനന്തപുരം: പുതുപ്പള്ളിയിലെ യു.ഡി.എഫ്‌. സ്‌ഥാനാര്‍ഥിയും മുന്‍ മുഖ്യമന്ത്രി അന്തരിച്ച ഉമ്മന്‍ ചാണ്ടിയുടെ മകനുമായ ചാണ്ടി ഉമ്മന്‍, ഇന്നലെ മുതിര്‍ന്ന കോണ്‍ഗ്രസ്‌ നേതാവ്‌ എ.കെ.
ആന്റണിയുമായി കൂടിക്കാഴ്‌ച നടത്തി.
പുതുപ്പള്ളി തെരഞ്ഞെടുപ്പിന്റെ പശ്ചാത്തലത്തില് ആന്റണിയുടെ വഴുതക്കാട്ടെ വസതിയില്‍ വച്ചായിരുന്നു കൂടിക്കാഴ്‌ച. ചാണ്ടി ഉമ്മനെ ഷാള്‍ അണിയിച്ച്‌ ആന്റണി സ്വാഗതം ചെയ്‌തു.ഇല്ലാത്ത കാര്യം പറഞ്ഞ്‌ ഉമ്മന്‍ ചാണ്ടിയെ വേട്ടയാടിയത്‌ പുതുപ്പള്ളി ഉപതെരഞ്ഞെടുപ്പില്‍ ചര്‍ച്ചയാകുമെന്നു കൂടിക്കാഴ്‌ചയ്‌ക്ക്‌ ശേഷം എ.കെ.ആന്റണി മാധ്യമങ്ങളോട്‌ പറഞ്ഞു. ഉമ്മന്‍ ചാണ്ടിയെ വേട്ടയാടിയത്‌ ശരിയോ തെറ്റോയെന്ന്‌ പുതുപ്പള്ളിക്കാര്‍ തീരുമാനിക്കുമെന്നും അദ്ദേഹം പറഞ്ഞു.
