തിരുവനന്തപുരം: ചെറുപ്പക്കാരുടെ ഇടയിൽ പൊതുനിരത്തുകളിൽ വാഹന അഭ്യാസം കാണിക്കുന്ന പ്രവണത വർധിച്ച് വരികയാണ്.
പലപ്പോഴും ഇത് അപകടത്തിന് കാരണമാകുന്നുണ്ട്. തിരുവനന്തപുരത്ത് മത്സരയോട്ടത്തിനിടെ രണ്ട് യുവാക്കളാണ് മരിച്ചത്. ഇതോടെ റോഡിൽ വാഹന അഭ്യാസം കാണിക്കുന്നവർക്കെതിരെ കർശന നടപടി സ്വീകരിക്കാൻ തീരുമാനിച്ചിരിക്കുകയാണ് കേരള പൊലീസ്…
‘പൊതുജനങ്ങൾക്ക് ബുദ്ധിമുട്ടുണ്ടാക്കുന്നതും അപകടം ക്ഷണിച്ചു വരുത്തുന്നതുമായ അഭ്യാസങ്ങൾ നടത്തുന്നവർക്കെതിരെ കർശനനടപടി സ്വീകരിക്കുന്നതാണ്.പരിശോധനകളിലൂടെ മാത്രമല്ല, സമൂഹ മാധ്യമങ്ങളിൽ പങ്കുവയ്ക്കുന്ന വീഡിയോകളുടെ അടിസ്ഥാനത്തിലും ഇക്കാര്യത്തിൽ നടപടി സ്വീകരിക്കും. ഇത്തരം അഭ്യാസങ്ങൾ ശ്രദ്ധയിൽപ്പെട്ടാൽ ഉടൻ തന്നെ 112 എന്ന നമ്പറിൽ വിവരങ്ങൾ അറിയിക്കണമെന്നും പൊലീസ് അഭ്യർത്ഥിച്ചു….
