ഉപഭോക്താക്കൾ കാലങ്ങളായി കാത്തിരുന്ന അപ്പ്‌ഡേറ്റ് ഉടൻ അവതരിപ്പിക്കാനൊരുങ്ങുകയാണ് വാട്‌സ്ആപ്പ്
ഉപഭോക്താക്കൾ കാലങ്ങളായി കാത്തിരുന്ന അപ്പ്‌ഡേറ്റ് ഉടൻ അവതരിപ്പിക്കാനൊരുങ്ങുകയാണ് വാട്‌സ്ആപ്പ്. 2009ൽ വാട്‌സ്ആപ്പ് ലോഞ്ച് ചെയ്തത് മുതൽ അക്കൗണ്ട് രജിസ്‌ട്രേഷൻ നടത്താൻ കഴിയുന്നതും കോൺടാക്ടുകൾ തെരയുന്നതുമെല്ലാം ഫോൺ നമ്പർ അടിസ്ഥാനമാക്കിയാണ്. എതിരാളികളായ ആപ്പുകൾ പ്രത്യേകിച്ച് ടെലഗ്രാമിൽ പോലും യൂസർനെയിമുകൾ ക്രിയേറ്റ് ചെയ്യാനുള്ള ഓപ്ഷൻ കാലങ്ങളായി തന്നെയുണ്ട്. എന്നാൽ ഇതുവരെ ഈ പരീക്ഷണത്തിന് വാട്‌സ്ആപ്പ് തയ്യാറായിരുന്നില്ല. ആ രീതിയ്ക്കാണ് നിലവില്‍ മാറ്റം വരാൻ പോകുന്നത്. ഇന്‍സ്റ്റയ്ക്കും എഫ്ബിക്കും സമാനമായി മെറ്റയുടെ സ്വന്തം ആപ്പായ വാട്‌സ്ആപ്പിലും ഇനി യൂസർനെയിമുകൾ ക്രിയേറ്റ് ചെയ്യാം.
