ഇടുക്കി. മാങ്കുളത്ത് പട്ടാപ്പകൽ മദ്യപ സംഘത്തിൻറെ അഴിഞ്ഞാട്ടം.
ആനകുളത്തേക്ക് വിനോദസഞ്ചാരത്തിന് എത്തിയ സഞ്ചാരികൾക്ക് നേരെ അസഭ്യവർഷവും ആക്രമണവും നടത്തി. പരസ്യമായി മദ്യപിച്ചു കൊണ്ടായിരുന്നു സ്ത്രീകളടക്കമുള്ള സഞ്ചാരികൾക്ക് നേരെ മദ്യപ സംഘത്തിൻറെ അസഭ്യവർഷം. എറണാകുളം ചെറായിയിൽ നിന്ന് എത്തിയ നിതീഷിന്റെയും കുടുംബത്തിന്റെയും പരാതിയിൽ മൂന്നാർ പോലീസ് കേസെടുത്തു.
കഴിഞ്ഞ പതിനാലാം തീയതിയാണ് ചെറായിൽ നിന്നും ആനക്കുളം കാണുവാൻ എത്തിയ സ്ത്രീകളടക്കമുള്ള വിനോദസഞ്ചാരികൾക്ക് നേരെ ചെക്ക്ഡാം ഭാഗത്ത് വെച്ച് മദ്യ പ്രസംഗത്തിന്റെ ആക്രമമുണ്ടായത്. മദ്യപിച്ചെത്തിയ സംഘം വിനോദസഞ്ചാരികളുടെ വാഹനത്തിനു നേരെ ജീപ്പിടിപ്പിക്കാൻ ശ്രമിപ്പിച്ചു എന്നാണ് പരാതി. ഇത് ചോദ്യം ചെയ്തതോടെ മദ്യപാസംഘം സഞ്ചാരികൾക്ക് നേരെ അസഭ്യവർഷം നടത്തുകയായിരുന്നു. പരസ്യമായി മദ്യപിച്ച് അസഭ്യവർഷം നടത്തി സഞ്ചാരികളെ പോകാൻ അനുവദിക്കാതെ വന്നതോടെ ഇവർ തന്നെ ദൃശ്യങ്ങൾ മൊബൈലിൽ പകർത്തുകയായിരുന്നു. കല്ലെടുത്ത് എറിയുന്നതും പരസ്യമായി മദ്യപിക്കുന്നതും ദൃശ്യങ്ങളിൽ വ്യക്തം.
നാട്ടുകാർ എത്തി ഇടപെട്ടിട്ടും മദ്യപാസംഘം വിനോദസഞ്ചാരികളെ പോകാൻ അനുവദിച്ചില്ല. തുടർന്ന് കൺട്രോൾ റൂമിൽ വിവരമറിയിച്ച പോലീസ് എത്തിയതിനുശേഷം ആണ് സഞ്ചാരികൾ ഇവിടെ നിന്നും പോയത്. പിന്നീട് മൂന്നാർ പോലീസിൽ പരാതി നൽകുകയായിരുന്നു.
എറണാകുളം ചെറായിയിൽ നിന്ന് എത്തിയ നിതീഷിന്റെയും കുടുംബത്തിന്റെയും പരാതിയിൽ മൂന്നാർ പോലീസ് എഫ്ഐആർ ഇട്ട അന്വേഷണം ആരംഭിച്ചു.
മാങ്കുളം ആനക്കുളത്ത് മദ്യപാ സംഘത്തിന്റെ, അഴിഞ്ഞാട്ടവും ആക്രമണവും പതിവാകുന്നു.
![](https://keralatimes.online/wp-content/uploads/2024/04/image_editor_output_image-710367871-1713277982760.jpg)