യുവാവിന് ദാരുണാന്ത്യം: – കൊച്ചി-ധനുഷ് കോടി ദേശീയപാതയിൽ കോതമംഗലം കുത്തുകുഴിക്കു സമീപം വാഹനാപകടം; ഒരാൾ മരിച്ചു; ഏതാനും പേർക്ക് പരിക്ക്.
കാറും രണ്ട് ഇരുചക്രവാഹനങ്ങളുമാണ് കുട്ടിയിടിച്ചത്. ഇടിയുടെ ആഘാതത്തിൽ മൂന്ന് വാഹനങ്ങളും കാനയിൽ വീണു. ദേശീയപാതയിൽ നവീകരണ ജോലിയുടെ ഭാഗമായി നിർമ്മിക്കുന്ന കാനയിലേക്കാണ് വാഹനങ്ങൾ പതിച്ചത്. ഇരുചക്രവാഹനയാത്രക്കാരനായ മുളവൂർ സ്വദേശി ബേസിൽ ജോയി ആണ് മരിച്ചത്.
ദേശീയപാതാ നവീകരണവുമായി ബന്ധധപ്പെട്ട് കാനനിർമാണം പുരോഗമിക്കുന്നതിനിടയിലാണ് അപകടം സംഭവിച്ചത്.സ്കൂട്ടർ യാത്രക്കാരിക്കു അതീവ ഗുരുതരപരിക്കുകളോടെ രാജഗിരി ഹോസ്പിറ്റലിൽ പ്രവേശിപ്പിച്ചു.