കട്ടപ്പന-.വണ്ടൻമേട് പുറ്റടിയിൽ യൂത്ത് കോൺഗ്രസ് കെ.എസ്.ഇ.ബി ഓഫീസ് മാർച്ചിൽ സംഘർഷം. യൂത്ത് കോൺഗ്രസ് ജില്ലാ പ്രസിഡന്റ് കെ.എസ് അരുൺ അടക്കമുള്ള പ്രവർത്തകർക്ക് പരുക്കേറ്റു. ഇന്നലെ രാജാക്കണ്ടം നായരുസിറ്റിയിൽ പുല്ലുചെത്താനിറങ്ങിയ അച്ഛനും രണ്ടു മക്കളും വൈദ്യുതാഘാതമേറ്റ് മരിച്ച സംഭവത്തിൽ പ്രതിഷേധിച്ച് യൂത്ത് കോൺഗ്രസ് നേതൃത്വത്തിൽ പുറ്റടി കെ.എസ്.ഇ.ബി ഓഫീസിലേയ്ക്ക് നടന്ന മാർച്ചിനെ തുടർന്നുണ്ടായ പോലീസ് ലാത്തി ചാർജിലാണ് പരുക്ക്. കെ.എസ് അരുണിനെ കൂടാതെ നിരവധി പ്രവർത്തകരെ പോലീസ് മർദ്ധിച്ചെന്ന് പ്രവർത്തകർ പറഞ്ഞു. പ്രതിഷേധ മാർച്ച് ഓഫീസിനുള്ളിലേയ്ക്ക് കടന്നതോടെ പോലീസുമായി ഉന്തും തള്ളും ഉണ്ടാകുകയും തുടർന്ന് പോലീസ് ലാത്തി വീശി മടക്കിയയക്കുമായിരുന്നു. പോലീസ് അക്രമത്തിൽ പ്രതിഷേധിച്ച് യൂത്ത് കോൺഗ്രസ് സമരം തുടരുകയാണ്. സംഭവം അറിഞ്ഞ് കൂടുതൽ നേതാക്കൾ സ്ഥലത്തെത്തി. പോലീസുമായുള്ള പ്രതിഷേധം ഇപ്പോഴും തുടരുകയാണ്.
വൈദ്യുതാഘാതമേറ്റ്, അച്ഛനും മക്കളും മരിച്ച സംഭവത്തിൽ, കെ,എസ്,ഇബി. ഓഫീസിലോട്ട് യൂത്ത് കോൺഗ്രസ് നടത്തിയ മാർച്ചിൽ,സംഘർഷം.
![](https://keralatimes.online/wp-content/uploads/2023/10/image_editor_output_image-784830889-1697040969889.jpg)