പെരുമഴയില്‍ എറണാകുളത്ത് റോഡില്‍ കുഴിയടപ്പ്. ഇതരസംസ്ഥാന തൊഴിലാളികളെ നിര്‍ത്തി എൻഎച്ച്‌ ബൈപ്പാസിലെ കുഴികളാണ് മഴയത്ത് അടയ്ക്കുന്നത്.
തൊഴിലാളികള്‍ പണി പൂര്‍ത്തിയാക്കി മടങ്ങിയതിന് പിന്നാലെ മിക്കയിടത്തും ടാറിളകിത്തുടങ്ങി. ഇടപ്പള്ളി മുതല്‍ അരൂര്‍ വരെ എൻ എച്ച്‌ ബൈപ്പാസില്‍ കുഴി രൂപപ്പെട്ട് വാഹനയാത്ര ദുഷ്കരമായിരുന്നു. ദേശീയ പാത അതോറിറ്റി ഇതിനെതിരെ പ്രതിഷേധം ശക്തമായതോടെയാണ് കുഴിയടയ്ക്കാൻ തീരുമാനിച്ചത്.
പെരുമഴയത്ത് യു ടേണില്‍ കരാറുകാരൻ ചുമതലപ്പെടുത്തിയ ഇതരസംസ്ഥാന സംസ്ഥാന തൊഴിലാളികള്‍ നേരത്തെ മിക്സ് ചെയ്ത ടാര്‍ കുഴിയിലിട്ട് അടിച്ചുറപ്പിക്കുന്നതോടെ പണി കഴിഞ്ഞു. മുൻപ് അടച്ച കുഴികളിലെ ടാര്‍ ഇളകിത്തുടങ്ങുകയും ചെയ്തിട്ടുണ്ട്. മഴ കനത്തതോടെ നഗരത്തിലെ ഇടറോഡുകളിലെ അവസ്ഥയും പരിതാപകരമാണ്.
Share the News
